"""""መን ኴንካ ንስኻ""
_________________
ኣብ ገዛእ ነብሰይ
ኣብ ውልቃዊ ህይወተይ
ወሳኒ ትኾነለይ
ኮሓሊ እንዳመሰልካ ከተንቁረኒ ዓይነይ
---------------------------
ንገዛእ ሩሐይ
ዘለኽዎ ባዕለይ
ቁስለይ ክትነክእ ተመሲልካ ሓላዪ
ኣየፍቅድን'የ ክትሻመዎ ናጽነተይ
-----------------------------
ወረ መን ኢኻ
መን ኴንካ ንስኻ
እንግድዓይ ድዩ እንግድዓኻ
ዝባነይ ዘቐንዝወካ
------------------------------
ንኣድጊ ዘይከበዶ
ንመጽዓን ከበዶ
ከምዝብሃል ኮይኑ ናትካ ነገር ጋዶ
ሕልፈይ ዋና ነብሰይ ክትከውን ኣየገርምን ዶ
-----------------------------
ህርዲግ ትብል ደበና ከተብንን
ብሩህ ተስፋ መጻኢየይ ክትድውን
መሲልካ ድኣምበር ኣነስ ፍጹም አይምበርከኽን
መሬት ከም ኣፍ ዑንቂ ዋላ እንተጸበበት ኣይመሳሰልን
---------------------------
ባዕለይ ኣለኽዎ ጉዳይ ባዕለይ
ኣነ'የ ዋና ዋና ነብሰይ
ምምባር ኣይእግመንን'ዩ ብጻዕረይ
ውዒለ ዝሓድር'የ ብገዛእ ርእሰይ!
ሚኪኤለ-መጎስ
የካቲት-01-2020
www.michotv.com